TC Pachhunga, Ex-MLA chuan, “MNF hi pawl satliah a ni lova, Pathian leh kan ram tan, ti party awmchhun a ni. India sorkarin kum 20 chhung zet tih chimit tumin jet fighter nen min bei mahse, mit miah lovin vawiin kan la thleng a, Pathian malsawmna a ni a tihloh theihloh. Pathianin kan hma a hruai ang a, in siamtharin mipui duhzawng anga awmin 2028 ah ram mipuite rorel sak turin kan tho leh dawn a ni,” a ti.

“ MNF sorkarin a bul kan ṭan, hunrei tak kan lo kalpuia, vawiin thlenga mipuiin an hlut em em ‘anthurium festival’ tihtawp an tum hi a pawi hle a. He festival hi India sorkar pawhin min pawmpui a ni. Leitlangpui Music Festival siam tho siin, anthurium festival ti bo chuang si lova ngaihtuahna seng nawn leh turin Tourism Minister hi kan beisei a ni,” a ti.

MNF Adviser chuan, “ZPM sorkar hi a bilhah an tho lova, inthlan hmaa mipuiin an beiseina sang tak ang kha an pha tawh lova, a chhanchu thla ruk chhung leka sorkarna an kalpui danah a hmaa an in sawi anga an awmlo tak ṭeuh vang a ni,” a ti.

Vawiin an party chhung inkhawm hi MNF adviser R. Kapzaua chuan kaihruaiin, Evan. VL Chhawna pawhin thusawina a nei bawk.